واخيرا قد انطلق طائر النهضة الشرس

وما ان هز طائر النهضة الذى لة راس ومؤخرة وجناحين يغطيهم الريش الا وقد بدا معه عصر النهضة طبعا مش اقصد النهضة بتاعة اثيوبيا وسد الالفية ولا الكلام الاهبل دة لا اقصد كلام اهم منة بكتير جدا كلام من كثرة اهميتة يخلى رئيس الدولة والرياسة والعشيرة واهلى وحبايبى والمجتمع والناس يتركوا سد النهقة اقصد النهضة ويهتموا بالاكثر اهمية .

طائر النهضة ان دل بيدل على ان مصر القادمة هتتطور عن امريكا فى 24 ساعة وهتمتلك صحراء شاسعة ممكن نبنى فيها مكان الاهرامات مثلا .


مساكن شعبية لمحدودى الدخل

او حمامات عمومية

واهو كلة بثوابة ماهو كدا كدا مفيش سياحة مفيش دخل مفيش مديحة

ولما يطلع الريس انت رئيس والنعمة كويس لاثيوبيا وتقابلة وزيرة الصناعة بقمة التهريج والهرجلة وكان دة مقام مصر واول مايمشى ويخرج علينا الاخوان بعبارات الفخر انهم هما اللى وصلوا مصر بافريقيا واثيوبيا واندروميا وافاجى واذ كان الزيارة دى كانت لبناء حجر الاساس لسد النهقة وكان مرسى رايح يبارك ويقول ابنوا ولو انا مش مدحت اعتبرنى الاستاذ مدحت

لكن العجيب والغريب والمسلى والمدهش حقا واللى مبيحصلش فى بلاد الواق الواق او بلاد تركب الافيال بالسولار او بلاد راس الجبل الاخضر او الازرق او الفوشيا ان دولة بتبنى فى سد هيمنع المية عن مصر واجد الرياسة ورئيس الدولة ورجالتة بيقولوا ان تحويل مجرى النهر الازرق مش هياثر على حصة مصر .........لا احة بجد وسامحونى على اللفظ احة بكل جوارحى احة لحكومة ماسكة دولة وهى مش مؤهلة تمسك وحدة محلية


التصريح العنترى المطمان دة وكان الشعب المصرى حتى الفلاح البسيط فية خايف من تحويل المجرى مش خايف من السد نفسة

على اساس ان الخطورة هى من تحويل المجرى اذ كان المية ممكن تمشى لاعالى الجبال ومترجعش تانى لينا لكن لما ينتهوا من بناء السد كل شى هيكون تمام


وبعدين يطلع علينا جهابذة يقولوا ان السد مش هياثر على حصة مصر ........احة بردة

اذ كان السد هيجبولة مية تملى خزانة اللى هيستغرق 6 سنوات هيجبوها مثلا من المسيسبى مش من النهر نفسة بمعنى ان ممكن يخترعوا مية  او يبخروا او ينقبوا فى الارض او يعملوا التقطير وبيالتالى يوفروا المية لكن حصتنا هتوصل تمام التمام بدون لانقص ولا سلام


وياسيدى هى جات على المية ماهى لو قلت هنقعد ندور عن ابار او نشوف مياة جوفية او حتى نجيب مية البحر ونحليها


واحد كان بيقولك البس قطن عشان الحر واستخدام الكهربا مش بعيد علية يقولك اعملها على نفسك واشربها من جديد واهو كلة توفير


فعلا انا نادم على انى دعمت الراجل دة يوما ما ونادم على انى تعاطفت مع الجماعة دى يوما ما ويوم 30/6 القادم اما ان يتنحى او ياخد بالجزمة هو وعشيرتة ويتنحى بردة

ياولاد التيت