2:05:00 م
ALLELIO- موطنـــــــــــــــــــــــــــى(ma patrie)
مادوقتش فيكى يا بلد فى يوم طعم حنية
عشت فيكى غريب وأنا ابن البلد دية
باعوا اللئام فيكى وعملوها وسية
وخلوا الشعب عبيد وهما أسياد الوسية
الشغل بالتوريث والفقرا مش قضية
والسكن عشش ومقابر وقصورهم متنقية
والصحة راحت فى المرض ومافيش علاج ليا
واللى يتكلم وينطق مالوش عندهم دية
والشعب لما ثار قتلوا ألف ومية
ضربوا عليه النار وكأن الدم مية
وأتنحى المخلوع ورحل فى ثورة سلمية
وانتخبنا ريس جديد وقولت رجعتى ليا
وكان عشمى كبير ماتعودش تانى وسية
وينصف اللى اتظلم ويخلى العدل قضية
ويساعد اللى اتحرم من سكن ونور ومية
ويشغل شباب اتركن سنين مش شوية
وحاجات كتير تانى اسألنى أيه هية
يكون ريسنا عمر فى العدل والحنية
لكن لقيت الحكاية نقــل ملكـية
ريس مكان ريس والبلد هية هية
بقلم عصام الضبع
0 التعليقات:
إرسال تعليق
اكيد هستفيد برايك